Ευχαί κατ'αλφάβητον εις τον Κύριον ημών Ιησούν Χριστόν

[angieholi]

ΕΥΧΑΙ ΚΑΤ'ΑΛΦΑΒΗΤΟΝ ΕΙΣ ΤΟΝ ΚΥΡΙΟΝ ΗΜΩΝ ΙΗΣΟΥΝ ΧΡΙΣΤΟΝ(Εκδοσεις "Αγιορειτικης Βιβλιοθηκης" - 1976 εκ του τυπογραφειου Υιων Σωτ. Σχοινα εν Βολω)

Έν είδει Οίκων κατανυκτικαί και ωραίαι, αρχόμεναι μεν απο της Θεολογίας και τελευτώσαι μέχρι της Δευτέρας του Χριστού παρουσίας, περιέχουσαι δε κατα τάξιν, Δοξολογιας, Ευχαριστίας, Εξομολογήσεις και Αιτήσεις.

Κοντάκιον (Ηχος πλ. δ. Τη υπερμάχω)
Τω Παντοκράτορι Θεώ και Πανοικτίρμονι,
ως επί θρόνου σου του θείου παριστάμενος,
απετόλμησα ο δούλος σου μετά φόβου,
προσκομίσαι σοι τους Οίκους τούτους Δέσποτα
όθεν, δέξαι με ως εύσπλαχνος σοι κράζοντα

Ιησού Υιέ του Θεού, ελεησόν με.
Άναρχος εξ' Ανάρχου, του Πατρός πρό αιώνων, ενυπόστατος Λόγος και Θεός αληθινός,
εκ Θεού αληθινού όθεν μου, τον νούν και γλώτταν τράνωσον,
προς ύμνον του σωτηρίου και φοβερού σου ονόματος
και αξίωσον με δοξολογειν σε θεοπρεπώς και λέγειν.
Ιησού, η Ουσία η υπερούσιος, δοξολογώ σε τον όντα υπέρ πάσαν θέσιν και υπεροχικήν αφαίρεσιν.
Ιησού, η υπόστασις η ακατάληπτος, δοξολογώ σε τον όντα υπέρ πάσαν κατάφασιν και απόφασιν.
Ιησού, ο τω Πατρί και Πνεύματι Ομοούσιος, ευχαριστώ σοι, ότι εχαρίσω μοι τον ανεξιχνίαστον πλούτον της θεογνωσίας σου.
Ιησού, η τελειότης η υπερτέλειος, ευχαριστώ σοι, υπέρ πασών των εις εμε δεξιών και αριστερών ευεργεσιών σου.
Ιησού, η απεριόριστος Θεότης, εξομολογούμαι σοι, οτι εγώ μεν ως άνθρωπος ήμαρτον, συ δε ως Θεός ελέησον.
Ιησού, η άπειρος μεγαλειότης, εξομολογούμαι σοι, ότι εγώ ο απείρως ελάχιστος, ελύπησα και λυπώ το Πνεύμα σου τον άγιον.
Ιησού, η αγαθότης η υπεράγαθος, ουδέν εποίησα αγαθόν ενώπιον σου, αλλά δος μοι δια την αγαθότητα σου βάλειν αρχήν.
Ιησού, η δύναμις η απρόσιτος, κραταίωσον με τον ασθενή, ίνα φοβήται με ο εχθρός δια την εν εμοί δύναμιν την σήν.
Ιησού, η Σοφία η ανεξιχνίαστος, σόφισον με, ίνα εκκλίνω ραδίως τα του σοφιστού της κακίας σοφίσματα.
Ιησου, η δικαιοσύνη η προαιώνιος, εύθυνον εν τω μέσω της αρετής, και μη εν υπερβολαίς και ελλείψεσι τα εμά διαβήματα.
Ιησού, Θεέ ανώνυμε, διδαξόν με του ποιείν το αγαθόν, και ευάρεστον και τέλειον θελημά σου.
Ιησού, Λόγε απειρώνυμε, γνώρισον μοι τίνα δεί και πως δεί ζητείν παρά σου τα αιτηματά μου.

συνεχιζεται......

[angieholi]

Ιησού Υιέ του Θεού, ελεησόν με.
Βουληθείς εκ μη όντων, όντα κτίσαι, ω Λόγε, υπέστησας Αγγέλους το πρώτον και ευθύς παρέστησαν σοι δουλικώς, χίλιαι χιλιάδες και μύριαι μυριάδες νόων καθαρών λεπτοτάτων, αινούσι σε συν τω Πατρί σου και Πνεύματι, και ακαταπαύστος βοώσαι, Άγιος, Άγιος Άγιος και άδουσαι.
Αλληλούϊα

Γνώριμον πάσαι θείναι πλούτον, ω Θεού Λόγε, ιδίας αγαθότητας θέλων, και δεύτερον κόσμον αισθητόν, τον εξ ουρανού και γής, και των εν μέσω συνεστώτα παρήγαγες, παμμέγιστον ποσότητι ποικίλον δε τοις είδεσι. Δι' ο σε κελαδώ τοιαύτα.
Ιησού, ο Ποιητής των Αγγέλων, δοξολογώ σε, τον υπό εννέα Ταγμάτων ακαταπαύστως δοξολογούμενον.
Ιησού, ο Κύριος των αύλων Νόων, δοξολογώ σε των υπό των νοερών ουσιών ασιγήτως θεολογούμενον.
Ιησού, ο Δημιουργός των υπερκοσμίων και εγκοσμίων, ευχαριστώ σοι, ότι δι' εμέ τους δύο κόσμους εποίησας.
Ιησού, ο καλλωπιστής πάντων των κτισμάτων, ευχαριστώ σοι, ότι δια του λογικού θεωρόν με τούτων ανέδειξας.
Ιησού, προνοητής και συνοχεύς, των υπό σου δημιουργηθέντων και καλλωπισθέντων, εξομολογούμαι σοι, ότι μόνος εγώ ανάξιος της προνοιάς σου δια της ανομίας μου εύρημαι.
Ιησού, ο νεύματι τανύσας τον ουρανόν, εξομολογούμαι σοι, ότι ταις πολλαίς αμαρτίαις κατακαμπτόμενος, ουδέ το πρόσωπον του ουρανού ιδείν δύναμαι.
Ιησού, ο τους δύο φωστήρας κατασκεύασας, το τριμερές της ψυχής μου φώτισον.
Ιησού, ο τον Πόλον κοσμήσας τοις άστρασι, τοις σοις με χαρίσμασι κόσμησον.
Ιησού, ο την γήν ζωγραφήσας τοις άνθεσι, παντοδαπάς, αρετάς με βλαστάνειν ενίσχυσον.
Ιησού, ο τα φυτά ποικίλοις καρποίς ποιήσας κατάκομμα, τοις καρποίς με του αγίου σου Πνεύματος καταπλούτισον.
Ιησού, ο τοίς ζώοις αίσθησιν ενθείς και ζωήν, αποθανείν με τω κόσμω, και ζήσαι εν σοί ενδυνάμωσον.
Ιησού, ο τα τέσσαρα στοιχεία παραγαγών, ταίς τέσσαρσι γενικαίς αρεταίς με περίφραξον.

συνεχίζεται...

[angieholi]

Ιησού Υιέ του Θεού, ελεησόν με.
Δείξαι μείζονα θέλων, σοφίαν της προτέρας, τον άνθρωπον διέπλασας, Λόγε, εκ των νοητών και αισθητών, ώσπερ κόσμον μέγαν ταίς δυνάμεσιν έν τω μικρώ, και ως επίλογον του παγκοσμίου λόγου σου, και έθου τούτον έν τω παραδείσω, προσκυνητήν του Κράτους σου, ός παραβάς την εντολήν σου, και μεταγνούς, έμαθε σοι ψάλλειν.
Αλληλούϊα

Εφάνης Πατριάρχαις, και Μωσεί τελευταίον, Σινά επί του όρους ο Λόγος, και Νόμον έδωκας τον γραπτόν, είτα και Προφήτας απέστειλας, την επί γής Παρουσίαν σου προφητεύοντας. Όθεν εγώ ταύτα το νοί μελετών, τοιάδε προσφωνώ σοι πόθω.
Ιησού, ο Θεός των θεών, δοξολογώ σε το συναίδιον της Πατρικής δόξης απαύγασμα.
Ιησού, ο Κύριος των κυρίων, δοξολογώ σε τον απαράλλακτον της του Γεννήτορος υποστάσεως χαρακτήρα.
Ιησού, ο Βασιλεύς των Βασιλέων, ευχαριστώ σοί, ότι καμέ το βδέλυγμα είς την ουράνιον βασιλείαν εκάλεσας.
Ιησού, ο Άγιος των Αγίων, τι ανταποδώσω σοι περί πάντων, ών εμοί ανταπέδωκας;
Ιησού, Πανθαύμαστε, η γλυκεία ελπίς των προπατόρων, εξολογούμαι σοι, ότι διά τας πολλάς αμαρτίας μου ούκ έχω βεβαίαν ελπίδα της σωτηρίας μου.
Ιησού, Παντοδύναμε, η εξαίρετος απαγγελία των Πατριαρχών, εξομολογούμαι σοι, ότι εκπέπτωκα των επηγγελμένων σου αγαθών διά τας ανομίας μου.
Ιησού, ζωαρχικότατε, η ένδοξος τελείωσις των θεσπισμάτων των νομικών, εν πάσι με ποίησον κατηρτισμένον και τέλειον.
Ιησού υπέρτιμε, το ποθητόν πλήρωμα των Προφητών, του πληρώματος του Νόμου της αγάπης, δείξον με μέτοχον.
Ιησού, ο γλυκύτατος Πλάστης μου, τον υπό της αμαρτίας συντριβέντα ανάπλασον με.
Ιησού, η ψυχή της ψυχής μου, πάσας τας εντολάς σου τηρείν ενίσχυσόν με.
Ιησού, ο επουράνιος μου Πατήρ, αξίωσον με της υιοθεσίας σου.
Ιησού, το πρωτότυπον κάλλος μου, αναμόρφωσον με την εικόνα σου.

συνεχίζεται...

[angieholi]

Ιησού Υιέ του Θεού, ελεησόν με.
Ζωής της αθανάτου, εκπεσούσαν, ώ Λόγε, θεώμενος ανθρώπων την φύσιν ευσπλαγχνίσθης επ' αυτή και πέμψας τον Αρχάγγελο Γαβριήλ, ευαγγελισόμενον τη αειπαρθένω Μαριάμ, εξ αυτής σάρκα προσείληφας ασπόρως και υπέρ έννοιαν, ευδοκία του Πατρός και συνεργεία του Αγίου Πνεύματος, και την ποαιώνιον βουλήν εκπεπλήρωκας, ακούων παρά πάντων ούτως.
Αλληλούϊα

Ήκοντος είς το πέρας, του της κυοφορίας, χρόνου εγεννήθης αφθόρως, εκ της απειράνδρου σου Μητρός, εν πόλει Βηθλεέμ, τέλειος Θεός και τέλειος άνθρωπος, μια υπόστασις σύνθετος, γνωριζομένη εν δυσί τελείαις φύσεσι, και ενεργείαις και θελήσεσιν. Όθεν, εγώ τοιούτον φρικτόν μυστήριον εννοών, σύν θαύματι ανακράζω.
Ιησού, Υιέ Πατρός άνευ Μητρός κατά τη θεότητα, δοξολογώ σε τον εν αρχή όντα υπέρ αιτίαν και λόγον.
Ιησού, Υιέ Μητρός άνευ πατρός κατά την ανθρωπότητα, δοξολογώ σε τον εν τέλει γεγονότα δι' ημάς άνθρωπον.
Ιησού, θαυμαστέ Σύμβουλε, ο πεμφθείς παρά του Πατρός Απόστολος, ευχαριστώ σοι δια την περί ημάς ένσαρκον Οικονομίαν σου.
Ιησού, Εμμανουήλ αναλλοίωτε, ο της μεγάλης Βουλής Άγγελος, ευχαριστώ σοι διά την εις ημάς άκραν φιλανθρωπίαν σου.
Ιησού, Αμνέ Θεού άκακε, εξομολογούμαι σοι αεί, ότι υπέρ πάντας ανθρώπους σοι ήμαρτον.
Ιησού, καλέ μοι Ποιμήν, εξομολογούμαι σοι, ότι εγώ είμι το απολωλός πρόβατον.
Ιησού, ευσπλαχνικώτατε Παράκλητε, ενεργούσαν εν εμοί την χάριν του Πνεύματος σου ποιήσον.
Ιησού νέε Αδάμ, εκδυσόν με τον παλαιόν άνθρωπον, και σε τον νέον με ένδυσον.
Ιησού, ο καταβάς επί την γήν, εν ουρανοίς και μη επί γής έχειν με το πολίτευμα, καταξίωσον.
Ιησού, ο φύσει γενόμενος άνθρωπος, μέτοχόν με χάριτι της σης θεώσεως ένδειξον.
Ιησού, η Ανατολή των Ανατολών την λήθην και άγνοιαν και ραθυμίαν απ' εμού δίωξον.
Ιησού, η ανεκλάλητος παντός του κόσμου χαρά, πάσης κοσμικής λύπης με ελευθέρωσον.

συνεχίζεται...

[angieholi]

Ιησού Υιέ του Θεού ελεησόν με.
Θείω νόμω υπείκων, ο τον Νόμον δούς πάλαι, σαρκί περιετμήθης ως βρέφος, και έλαβες το όνομα Ιησούς, παρ’ ο ούκ έστιν υπό τον ουρανόν έτερον, εν ω δεί σωθήναι τον άνθρωπον, και κάμπτει πάν γόνυ, επουρανίων, και επιγείων, και καταχθονίων, και πάσα γλώσσα εξομολογείται κράζουσα.
Αλληλούια

Ιδών σε ο πρεσβύτης, Συμεών προσαχθέντα, ως βρέφος εν Ναώ του Κυρίου, ηγκαλίσατό σε ταίς χερσί, και νύν απολύεις με ανεβόησε, ζωής και του θανάτου σε Δεσπότην διά τούτων κηρύττων άπασιν.Όθεν εγώ την τοιαύτην συγκατάβασιν εκπληττόμενος, ταύτα προσάδω.
Ιησού, το γλυκύ μου και πράγμα και όνομα, δοξολογώ σε, τον εκ των όντων ότι ει αναμφιβόλως πιστευόμενον.
Ιησού, το πυκνόν της διανοίας μου μελέτημα, δοξολογώ σε, τον μηδαμώς τις εί, η πως εί, γνωριζόμενον.
Ιησού, όλη η υπόθεσις της νοεράς προσευχής, ευχαριστώ σοι, ότι τοιαύτης αγγελικής εργασίας το γένος των ανθρώπων ηξίωσας.
Ιησού, του νοός η κίνησης η κυκλική τε και απλανής, ευχαριστώ σοι, ότι δι’αυτής, της πλάνης του διαβόλου τον νούν ελευθερούν ηυδόκησας.
Ιησού, το ύψος και βάθος, μήκος και πλάτος της γνώσεως, εξομολογούμαι σοι, ότι δια την προσπάθειαν των υλικών, ο νούς μου εν αγνωσία κατάκειται.
Ιησού, η μνήμη η φωτολαμπής, και ακόρεστος, εξομολογούμαι σοι ότι αι εμπαθείς μνήμαι σκότος αεί μοι γίνονται.
Ιησού, η αγαλλίασις της καρδίας, απόδος μοι την αγαλλίασιν του σωτηρίου σου.
Ιησού, η ρώσις του σώματος, υγιές και εύχρηστον εις διακονίαν ποίησον το σαρκιόν μου.
Ιησού, η αναπνοή μου, ελθέ εις επισκεψίν μου.
Ιησού, το ηδύ εντρύφημα της γλώσσης μου, δος μοι μνήμην του θανάτου, της κολάσεως, και της κρίσεώς σου.
Ιησού, ο φερώνυμος Σωτήρ μου, δωρεάν σώσον με δια μόνον το σωτήριον όνομά σου.

συνεχίζεται...

[angieholi]

Ιησού Υιέ του Θεού ελεησόν με.
Καθαρσίων μη χρήζων, ως Θεός Ιησού μου, βεβάπτισαι χειρί του Προδρόμου, εν των Ιορδάνη ποταμώ, εμοί οικονομών την κάθαρσιν, και Υιός αγαπητός του Πατρός εμαρτυρήθης, και Πνεύμα άγιον, επί σε ως περιστερά κατελθόν, εδίδαξε τους πάντας βοάν σοι.
Αλληλούια

Λαμπράν ήρας την νίκην κατά του διαβόλου, είς έρημον αχθείς Ιησού μου, μετά γάρ νηστείαν τεσσαρακονθήμερον, ουδέν προτιμήσας της αγάπης του Θεού, ούχ ηδονάς, ού δόξαν ανθρώπων, ού πλούτον ρέοντα, υπό Αγγέλων ώφθης υπηρετούμενος, δι’ο σοί κράζω.
Ιησού, αγαπητέ Υιέ, αγαπητού Πατρός κατ’ αιτίαν, δοξολογώ σε, δι’ ου την προς τον αρχίφωτον Πατέρα προσαγωγήν εσχήκαμεν.
Ιησού, αγαπητέ Λόγε, αγαπητού Πνεύματος διά την συμφυίαν, δοξολογώ σε δι’ ου το Πανάγιον ζωοποιόν Πνεύμα επέγνωμεν.
Ιησού, η ευδοκία του Πατρός, ήτοι το προηγούμενον θέλημα, ευχαριστώ σοι δια το υπέρβαλλον της περί εμέ ευδοκίας σου.
Ιησού, έν ω κατοικεί πάν το της Θεότητος πλήρωμα, ευχαριστώ σοι διά τον εις ημάς κενωθέντα πλούτον της χάριτος σου.
Ιησού, η του μυστηρίου σου της Τριάδος φανέρωσις, εξομολογούμαι σοι, ότι επωρώθη η καρδία μου πρός την τοιαύτην ουράνιον αποκάλυψιν σου.
Ιησού, η πάντων των αισθητών και νοητών ανακεφαλαίωσις, εξομολογούμαι σοι, ότι μόνος εγώ αλλότριος κατά γνώμην ειμί της κοινής ταύτης ενώσεώς σου.
Ιησού, ο εν πολέμοις κραταιός, τους νοητώς και αισθητώς πολεμούντας με πολέμησον.
Ιησού, ο μόνος νικητής των πειρασμών, εν τοις πειρασμοίς υπομονήν μοι βράβευσον.
Ιησού, ο τας κεφαλάς των δρακόντων συνθλάσας, τον σατανάν σύντριψον υπό τους πόδας μου.
Ιησού, ο τοις νάμασι, του Ιορδάνου βαπτισθείς, δός μοι δάκρυα, ίνα απολαύσω τας αμαρτίας μου.
Ιησού, Πανάγαθε, ελευθέρωσόν με της φιληδονίας, φιλοδοξίας, και φιλαργυρίας.
Ιησού, μακρόθυμε, απαλλαξόν με της μητρός πάντων των παθών φιλαυτίας.

συνεχίζεται...

[zefs2008]

και εδώ http://www.gerontas.com/mainpage/data/e ... aviton.pdf

[angieholi]

Ιησού Υιέ του Θεού ελεησόν με.
Μέλλων της Βασιλείας, εν τω κόσμω κηρύξαι Χριστέ μου Ευαγγέλιον θείον, από μετανοίας την αρχήν, εποιήσω. Και γάρ ελήλυθας, καλέσαι ου δικαίους, αλλά αμαρτωλούς εις μετάνοιαν, έν η καμέ ενίσχυσον την ζωήν διανύειν, ίνα κράζω σοι.
Αλληλούια

Νέαν έδειξας πάσαν, των ανθρώπων την φύσιν, αστράψας εν Θαβώρ Ιησού μου, υπέρ φέγγος το ηλιακόν, και συνδοξάσας αυτήν τη ακτίστω δόξη της θεότητος. Όθεν εγώ εν σοί εμαυτόν καθορών, αναλαβόντα το αρχαίον κάλλος μου, υπό χαράς αφάτου τοιάδε σοι εν πίστει ψάλλω.
Ιησού, η ωραιότης η εκστατική και υπέρκαλλος, δοξολογώ σε τον τη βουλήσει την δύναμιν σύνδρομον έχοντα.
Ιησού, ο έρως ο μανικός τε και παντεπόθητος, δοξολογώ σε τον απείρους κόσμους υποστήσαι ισχύοντα.
Ιησού, η οδός και η αλήθεια και η ζωή, ευχαριστώ σοι, ότι ωδήγησάς με εις την αλήθειαν των θείων και ζωοποιών λογίων σου.
Ιησού, το άκρος αντικείμενον της θεωρίας των μακαρίων, ευχαριστώ σοι, ότι τη ανάξιαν φύσιν ημών, της τοιαύτης ηξίωσας δόξης σου.
Ιησού, το φώς το υπέρ πάν φώς, εξομολογούμαι σοι, ότι εν σκότει της αμαρτίας ο εσκοτισμένος πορεύομαι.
Ιησού, το έσχατον των εφετών. εξομολογούμαι σοι, ότι ουδέποτε, ως δεί τη σή αγάπη τέτρωμαι.
Ιησού, η ζωοποιός και γλυκύτατη θέρμη, θέρμανόν με τον ψυχραθέντα.
Ιησού, η αστεροειδής και λαμπροτάτη στολή, κόσμησόν με τον γυμνητεύοντα.
Ιησού, η αρχή και μέση και τέλος μου, καθάρισον την καρδίαν μου, ίνα σε οπτάνωμαι.
Ιησού, ο πάντα ών, και υπέρ πάντα Θεός μου, επίφανον επ' εμέ το πρόσωπον σου και σωθήσομαι.
Ιησού, το υπέρ νούν έν, όλον ηνωμένον εμαυτώ δι' επιστροφής του νοός και συνεύσεως δείξον με.
Ιησού, το Μυστήριον της υπεραγνώστου σιγής, ανώτερον παντός αισθητού και νοητού ποιησόν με.

συνεχίζεται...

[zefs2008]

Ιησού Υιέ του Θεού ελεησόν με.
Ξενίζει τα σα έργα νουν βροτών και Αγγέλων, α έδρασας εν γη Ιησού μου, ουχ ικετικώς ως οι λοιποί, αλλά αυθεντικώς ως Θεός τέλειος, νόσους παντοίας θεραπεύων και νεκρούς ανιστών, εξαιρέτως δε τον τετραήμερον Λάζαρον ος παλινζωϊας τυχών μετά φωνής αινέσεως έψαλλε σοι`

Αλληλούια

Όλος άνω εν θρόνω , συν Πατρί αχωρίστως και πνεύματι υπήρχες Χριστέ μου,και όλος κάτω εν γη, επί πώλου όνου ωφθής καθήμενος εκεί μεν το, Γελ Γελ, και των αγγέλων την αίνεση, ενταύθα δε το ωσσανά, και την των Παίδων ανύμνησιν προσδεχόμενος μεθ ων καμού την αίνεση πρόσδεξαι τάυτην

Ιησού ο θησαυρός των αγαθών απάντων ο ακένωτος δοξολογώ σε τον όντα και προόντα, και αείς είς τους αιώνας όντα.
Ιησού ο πλούτος των χαρισμάτων ο αδαπάνητος,δοξολογώ σε τον πανταχού διαφάρως και καταυτόν ενεργούντα.
Ιησού ω των ψυχών και σωμάτων Ιατρός ευχαριστώ σοι, ότι πολλάκις κατ' άμφω ιατρεύσας με
Ιησού ο τα πάντα ειδώς διδάσκαλος, ευχαριστώ σοι, ότι δια των μακαρισμών σου οδεύειν διδαξάς με.
Ιησού , ο τις κρούουσιν εξομολογούμαι σοι ότι ουδέποτε σοι ήνοιξα ίνα εισέλθεις, την πεπυρωμένην καρδίαν μου.
Ιησού, ό τους δέκα λεπρούς καθαρίσας, εξομολογούμαι σοι ότι λεπρός είμι και καθάρσεως της από των κρυφίων μου.
Ιησού, ο την πόρνην σωφρονοστέρου παρθένου ποιήσας, από του πολέμου της πορνείας εμέ σκέπασον.
Ιησού, ο την Μαγδαληνήν επτά δαιμόνων απάλλαξας, των επτά θανασίμων αμαρτιών με εξάρπασον.
Ιησού, ο πεπλανημένων οδηγός, είς το ορθώς κινίσθε τας πέντε μου αισθήσεις οδήγησον.

συνεχίζεται....

[angieholi]

Ιησού Υιέ του Θεού ελεησόν με.
Ξενίζει τα σά έργα νουν βροτών και Αγγέλων, α έδρασας εν γη Ιησού μου, ουχ ικετικώς ώς οι λοιποί, αλλ' αυθεντικώς ως Θεός τέλειος, νόσους παντοίας θεραπεύων, και νεκρούς ανιστών, εξαιρέτως δε τον τετραήμερον Λάζαρον, ος παλινζωϊας τυχών μετά φωνής αινέσεως έψαλλε σοι.
Αλληλούια

Όλος άνω εν θρόνω , συν Πατρί αχωρίστως, και Πνεύματι υπήρχες Χριστέ μου, και όλος κάτω εν τη γή, επί πώλου όνου ωφθής καθήμενος, εκεί μεν το, Γέλ Γέλ, και των
Αγγέλων την αίνεσιν, ενταύθα δε το, ωσσανά, και των Παίδων ανύμνησιν προσδεχόμενος, μεθ' ών καμού την αίνεσιν πρόσδεξε ταύτην.

Ιησού, ο θησαυρός των αγαθών απάντων ο ακένωτος, δοξολογώ σε τον όντα και προόντα, και αεί είς τους αιώνας όντα.
Ιησού, ο πλούτος των χαρισμάτων ο αδαπάνητος,δοξολογώ σε τον πανταχού διαφόρως και κατα ταυτόν ενεργούντα.
Ιησού, ο των ψυχών και σωμάτων Ιατρός, ευχαριστώ σοι, ότι πολλάκις κατ' άμφω ιατρεύσάς με.
Ιησού, ο τα πάντα ειδώς Διδάσκαλος, ευχαριστώ σοι, ότι δια των μακαρισμών σου οδεύειν εδίδαξάς με.
Ιησού , ο τοίς κρούουσιν ανοίγων, εξομολογούμαι σοι, ότι ουδέποτε σοί ήνοιξα ίνα εισέλθης, την πεπωρωμένην καρδίαν μου.
Ιησού, ο τους δέκα λεπρούς καθαρίσας, εξομολογούμαι σοι, ότι λεπρός είμι, και καθάρσεως χρήζω της από των κρυφίων μου.
Ιησού, ο την πόρνην σωφρονεστέραν παρθένου ποιήσας, από του πολέμου της πορνείας με σκέπασον.
Ιησού, ο την Μαγδαληνήν των επτά δαιμονίων απαλλάξας, των επτά θανασίμων αμαρτιών με εξάρπασον.
Ιησού, ο των πεπλανημένων οδηγός, είς το ορθώς κινείσθαι τας πέντε μου αισθήσεις οδήγησον.
Ιησού, ο του κόσμου εξαλείφων τας ανομίας, τας εμπαθείς μου προλήψεις εξάλειψον.
Ιησού, ο των ανθρώπων ελευθερωτής, από τον της γλώττης δυσφυλάκτων πτωμάτων με ελευθέρωσον.
Ιησού, ο τα πάντα τοίς πάσι γινόμενος, πάντα τα προς σωτηρίας αιτήματά μου πλήρωσον.


συνεχίζεται....